ភ្នំពេញ៖ ចេញផ្សាយ ថ្ងៃចន្ទ ១៣រោច ខែចេត្រ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២០ ខែមេសា ឆ្នាំ២០២០។
ខេត្តកណ្តាល៖ នៅថ្ងៃ ចន្ទ ១៣រោច ខែចេត្រ ឆ្នាំជូតទោស័ក ២៥៦៣ ត្រូវនឹងថ្ងៃទី ២០ ខែមេសា ឆ្នាំ២០២០ វេលាម៉ោង ១២និង០០នាទី ។
មានករណីជួញដូរសារធាតុញៀនខុសច្បាប់មួយកើតឡើង នៅត្រង់ចំណុច ភូមិព្រែក ឃុំត្រើយស្លា ស្រុកស្អាង ខេត្តកណ្តាល ។
ក្នុងនោះកងកំលាំងនគរបាលប៉ុស្តិ៍ចុះបង្ក្រាបចាប់បានជនសង្ស័យ ៖ ចំនួន ៣នាក់ ឃាត់ខ្លួនទុក រួមជាមួយវត្ថុតាងមួយចំនួនផងដែរដែលរក្សាទុកនៅឯអធិការដ្ឋាននគរបាលស្រុកស្អាង។
ជនសង្ស័យមានរាយនាមដូចខាងក្រោម៖
១ / ឈ្មោះ ស្រាយ ប៊ុនលាង ហៅ ខុង ភេទប្រុស អាយុ ៣០ឆ្នាំ ជនជាតិ ខ្មែរ មុខរបរ កម្មករ ទីលំនៅបច្ចុប្បន្នភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ។ (ជួញដូរ)
២ / ឈ្មោះ ព្រាប ពន្លឺ ភេទប្រុស អាយុ ២៣ឆ្នាំ ជនជាតិ ខ្មែរ មុខរបរ កម្មករបាញ់ថ្នាំស្វាយ ទីលំនៅបច្ចុប្បន្នភូមិ ព្រែក ឃុំត្រើយស្លា ស្រុកស្អាង ខេត្តកណ្តាល ។ (ប្រើប្រាស់)
៣ / ឈ្មោះ អ៊ីម ចាន់ធីម ភេទប្រុស អាយុ១៩ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិ ក្បាលកោះត្បូង ឃុំកោះខ្សាច់ទន្លា ស្រុកស្អាង ខេត្តកណ្តាល ។ (ប្រើប្រាស់)
វត្ថុតាងចាប់យករួមមាន៖
១ / ម្សៅក្រាមពណ៌សថ្លាសង្ស័យជាសារធាតុញៀន(ម៉ាទឹកកក)ចំនួន ២កញ្ចប់តូច និងសំភារៈវេចខ្ចប់ប្រើប្រាស់មួយចំនួន ។
២ / ទូរស័ព្ទដៃចំនួន ០១គ្រឿងម៉ាកសាមសុង ពណ៌ស បែក អេក្រង់ ។
៣ / ម៉ូតូចំនួន ០១គ្រឿងម៉ាកហុងដា ពណ៌ ខ្មៅ ពាក់ផ្លាកលេខ កណ្តាល 1Z-1840 ។
បច្ចុប្បន្ននេះជនសង្ស័យទាំង៣រូប បានឃាត់ខ្លួនទុកនៅអធិការដ្ឋាននគរបាលស្រុកស្អាងដើម្បីបន្ដអនុវត្ដតាមនីតិវិធីនៃច្បាប់ ។
ដោយ៖ ម៉ុន សាមាស
