ភ្នំពេញ៖ ចេញផ្សាយ ថ្ងៃពុធ ១កើត ខែពិសាខ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២២ ខែមេសា ឆ្នាំ២០២០។
ខេត្តកណ្តាល៖ នៅថ្ងៃអង្គារ ១៤រោច ខែចេត្រ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២១ ខែមេសា ឆ្នាំ២០២០ វេលាម៉ោង៨និង៣០នាទីព្រឹក នៅចំណុចចំការដាំដុះត្រាវមួយកន្លែង នៃចុងព្រែកយូហ៊ឹង ស្ថិតនៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
បុរសចំណាស់២នាក់ដែលនគរបាលបានចាប់ខ្លួនដោយសង្ស័យថាបានបន្លំដាំដុះ នូវដើមកញ្ឆា/កញ្ឆុង ខុសច្បាប់មានឈ្មោះដូចខាងក្រោម៖
១/ ឈ្មោះ ហេង ហុកសេង ភេទប្រុស អាយុ៦០ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
មុខរបរ កសិករ(ឃាត់ខ្លួន) ។
២/ ឈ្មោះ ឌឿ ឡេង ភេទប្រុស អាយុ៥៤ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
វត្ថុតាងចាប់បានចាក់ស្តែងយកមកជាមួយរួមមាន៖
១/ កញ្ឆា-កញ្ឆុងចំនួន ១៧ដើមជារបស់ឈ្មោះហេង ហុកសេង ។
២/កញ្ឆា កញ្ឆុងចំនួន៩៨ដើម ជារបស់ឈ្មោះឌឿ ឡេង ។
យោងតាមការរាយការណ៍របស់ប្រជាជនដែលរស់នៅតំបន់កើតហេតុនោះដូចបានរៀបរាប់ដូចខាងក្រោម៖
នៅថ្ងៃខែឆ្នាំ វេលាម៉ោងកើតហេតុខាងលើមានប្រជាពលរដ្ឋគំរូបានរាយការណ៍ថាមានករណី ដាំដុះ កញ្ឆា កញ្ឆុង នៅចុងព្រែកយូហ៊ឹង ស្ថិតនៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល ភ្លាមនោះ កំលាំងនគរបាលប៉ុស្ដិ៍ត្រើយស្លា សហការជាមួយកំលាំងអធិការដ្ឋាននគរបាលស្រុកស្អាងចុះដល់កន្លែងកើតហេតុ ឃើញឈ្មោះ ឌឿ ឡេង និងឈ្មោះ ហេង ហុកសេង នៅក្នុងចំការត្រាវ ដែលមានដាំដុះកញ្ឆា កញ្ឆុង នៅក្នុងចំការត្រាវ របស់ខ្លួនបន្ទាប់មកបានធ្វើការនាំខ្លួនជនសង្ស័យខាងលើមកប៉ុស្តិ៍ដើម្បីសាកសួរ÷
នៅចំពោះមុខសមត្ថកិច្ច ជនសង្ស័យទាំងពីរនាក់ខាងលើ បានសារភាពថា ខ្លួនបានដាំដុះកញ្ឆា កញ្ឆុង នៅក្នុងចំការត្រាវពិតប្រាដកមែន ។
បច្ចុប្បន្ន ជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាងដើម្បីបន្ដអនុវត្តតាមនីតិវិធីទៅតាមច្បាប់។
ដោយ៖ ម៉ុន សាមាស
