ភ្នំពេញ៖ ចេញផ្សាយ ថ្ងៃសៅរ៍ ៦រោច ខែអាសាឍ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១១ ខែកក្កដា ឆ្នាំ២០២០។
ការរុះរើផ្ទះប្រជាពលរដ្ឋចំនួន៨៧ខ្នង មានពលរដ្ឋ៥១គ្រួសារទៀតដែលស្នាក់នៅក្នុងខ្នងផ្ទះជាមួយ អត់បានទទួលសំណងពីអាជ្ញាធរទេ…!
ភ្នំពេញ៖ នៅព្រឹកថ្ងៃទី 10.7.2020 មានការរុះរើផ្ទះប្រជាជនរស់នៅ ភូមិ៤ សង្គាត់ទំនប់ទឹក ខណ្ធចំការមន រាជធានីភ្នំពេញ ដើម្បីធ្វើការផ្លាស់ប្តូរទីលំនៅ មានប្រជាពលរដ្ឋចំនួន៥១គ្រួសារដែលរស់នៅក្នុងខ្នងផ្ទះជាមួយគ្នាមិនបានទទួជម្រក ពួកគាត់បានយំស្រែកសុំអោយ សម្ដេចតេជោ ហ៊ុន សែន ជួយរកដំណោះស្រាយ ជូនពួកគាត់ផង។ ដែលមានប្រជនរស់នៅចំនួនមួយរយ(100)គ្រួសារជាង និងខ្នងផ្ទះសរុប ចំនួន៨៧ខ្នង។
តាមការបំភ្លឺរបស់អ្នកភូមិម្នាក់ ឈ្មោះ (សាយ ពិសិដ្ឋ) បានរៀបរាប់ប្រាប់ក្រុមការងារយើងខ្ញុំថា៖ ( មានខ្នងផ្ទះសរុប៨៧ខ្នង ដែលទទួលបានសំណង តែដោយឡែកប្រជាពលរដ្ឋចំនួន៥១គ្រួសារផ្សេងទៀតដែលរស់នៅក្នុងខ្នងផ្ទះជាមួយគ្នា មិនត្រូវបានទទួលសំណងពីសំណាក់អាជ្ញាធរទេ)។
ដូច្នេះពួកគាត់ក៍បានស្នើសុំដល់ សម្ដេចតេជោ ហ៊ុន សែន ជួយរកដំណោះស្រាយ ជូនពួកគាត់ដើម្បីឱ្យមានទីជម្រកសមរម្យដូចគេផង។
អត្ថបទ៖ ម៉ុន សាមាស
