ភ្នំពេញ៖ ចេញផ្សាយ ថ្ងៃពុធ ៨រោច ខែចេត្រ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១៥ ខែមេសា ឆ្នាំ២០២០។
(សៀមរាប)៖ គណៈប្រតិភូខេត្តសៀមរាប ដឹកនាំដោយឯកឧត្តម ទៀ សីហា អភិបាល នៃគណ:អភិបាលខេត្ត បានដឹកនាំប្រតិភូគ្រប់ថ្នាក់ដឹកនាំមន្ទីរ អង្គភាពក្នុងខេត្ត ដើម្បីចុះត្រួតពិនិត្យកងកម្លាំងចម្រុះដែលឈរជើងប្រចាំការដើម្បីអនុវត្តបទបញ្ជា ០០២ របស់រាជរដ្ឋាភិបាល កម្ពុជាក្នុងការទប់ស្កាត់ការធ្វើដំណើររបស់ប្រជាពលរដ្ឋដែលមកពីតំបន់ឆ្ងាយៗឆ្លងកាត់នៅតាមព្រំប្រទល់ខេត្ត និងការជួបសំណេះសំណាលជាមួយក្រុមអនុវត្តការងារចត្តឡីស័ក ដែលជាដែនសមត្ថកិច្ចរបស់ មេភូមិ មេឃុំ ស្រុក នៅក្នុងស្រុកស្រីស្នំ និងស្រុកក្រឡាញ់ នាថ្ងៃអង្គារ ទី១៤ ខែមេសា ឆ្នាំ២០២០ ។
ក្នុងឱកាសដំណើរបេសកកម្មនោះ ឯកឧត្តមអភិបាលខេត្ត និងប្រតិភូ បានចុះទៅព្រំប្រទល់ខេត្តរួមមាន ខេត្តសៀមរាប និងខេត្តឧត្ដរមានជ័យ( ផ្លូវជាតិលេខ ៦៨ ) , ខេត្តសៀមរាបនិងខេត្តបន្ទាយមានជ័យ ( ផ្លូវជាតិលេខ ៦ ) និងមានការចុះជួបក្រុមការងារទទួលបងប្អូនប្រជាពលករដែលវិលត្រឡប់មកពីប្រទេសថៃ ដើម្បីស្តាប់ស្ថានភាពលទ្ធផលការងារ ពិធីជួបសំណេះសំណាល និងចែកអំណោយជាគ្រឿងឧបភោគ បរិភោគ
សម្រាប់ពេលបំពេញការងារ ក្នុងនោះមានមេភូមិ អ្នកភូមិ សមាជិកភូមិ នៅក្នុងឃុំទាំង ៦ ស្រុកស្រីស្នំ និងឃុំ ពីរក្នុងស្រុកក្រឡាញ់ គឺឃុំក្រឡាញ់ និងឃុំកំពង់ថ្កូវ ៕
