ភ្នំពេញ៖ ចេញផ្សាយ ថ្ងៃសុក្រ ៣កើត ខែពិសាខ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២៤ ខែមេសា ឆ្នាំ២០២០។
(ខេត្តបាត់ដំបង)៖
នៅថ្ងៃទី២៣ ខែមេសា ឆ្នាំ២០២០។ ឯកឧត្តម ងួន រតនៈ អភិបាល នៃខណៈអភិបាលខេត្តបាត់ដំបង អមដំណើរដោយលោក សឿម ប៊ុនរិទ្ធិ អភិបាលរងខេត្ត និងមន្ទីរជំនាញ ព្រមទាំងមន្ត្រីសំខាន់ៗមួយចំនួនដែកពាក់ព័ន្ធ បានអញ្ជើញចុះពិនិត្យការដ្ឋានសាងសង់គម្រោងអភិវឌ្ឍន៍ទំនប់ដូនទ្រី ដែលមានទីតាំងស្ថិតនៅភូមិបោះដូង ឃុំបាសាក់ ស្រុករុក្ខគិរី ខេត្តបាត់ដំបង ។
តំណាងក្រុមហ៊ុនម៉ៅការសាងសង់ ឃ្យឺយ៉ុង ខនស្រ្តាក់សិន អ៊ីនដាសស្រៀល បានជម្រាបជូន ឯកឧត្តមអភិបាលខេត្តបាត់ដំបងថា ការសាងសង់គម្រោងស្ទាក់ទឹកដូនទ្រី ដែលមានឈ្មោះថាគម្រោងអភិវឌ្ឍន៍ទំនប់ដូនទ្រី គ្រោងនឹងបញ្ចប់ជាស្ថាពរ នៅក្នុងឆ្នាំ២០២៣ ខាងមុខនេះ ហើយទំនប់ដូនទ្រីនេះអាចស្ទាក់ទឹកបានរហូតដល់ ១៧៧លានម៉ែត្រគូប និង អាចស្រោចស្រពផ្ទៃដីបានចំនួន ២ម៉ឺនហិចតា ហើយក៏អាចជួយកាត់បន្ថយទឹកជំនន់បានរហូតទៅដល់ ៣៥ភាគរយផងដែរ ។
