ភ្នំពេញ៖ ចេញផ្សាយ ថ្ងៃសៅរ៍ ៣រោច ខែពិសាខ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី៩ ខែឧសភា ឆ្នាំ២០២០។
នៅព្រឹកថ្ងៃ១រោច ខែពិសាខ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី៧ ខែឧសភា ឆ្នាំ ២០២០ ក្នុងឧកាសនៃការស្នាក់នៅស្រុកកំណើត សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ភរិយាដ៏ឧត្តុង្គឧត្តមសម្តេចអគ្គមហាសេនាបតីតេ ជោ ហ៊ុន សែន ប្រមុខ នៃ រាជ រដ្ឋាភិបាលកម្ពុជា រួមទាំងលោកជំទាវជាភរិយាថ្នាក់ដឹកនាំនានា បានអញ្ជើញរាប់បាត្រចង្ហាន់ បច្ច័យមួយចំនួន ប្រគេនសម្តេចឧត្តមបញ្ញា ដូង ផង់ រួមទាំង ព្រះ ភិក្ខុ សង្ឃ ចំនួន ១៧អង្គ ដែលនិមន្តគោចរបិណ្ឌបាត្រតាមខ្នងផ្ទះ ក្នុងភូមិ២ ឃុំរកាខ្នុរ ស្រុកក្រូចឆ្មារ ខេត្ត ត្បូងឃ្មុំ។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧទ្ទិស កុសលកើត ចេញពី ទឹកចិត្តជ្រះថ្លា នេះ សម្តេចកិត្តិព្រឹទ្ធ បណ្ឌិត លោកជំទាវ ជាកូន ចៅ ចៅទួតទាំងអស់ បានលើកឧទ្ទិសដល់វិញ្ញាណ ក្ខន្ធ អ្នកឧកញ៉ាព្រឹទ្ធមហាឧបាសិកាធម្មញ្ញាវិវឌ្ឍនា ដែលបានទទួលមរណភាពដោយរោគជរាពាធ ក្នុង ជន្មាយុ ៩៦វស្សា រយះពេល៤ថ្ងៃមកនេះ សូមវិញ្ញាណក្ខន្ធអ្នកឧកញ៉ាព្រឹទ្ធមហាឧបាសិកាធម្ម ញ្ញាណវិវឌ្ឍនា បានយោងយិតទៅចាប់បដិសន្ធិក្នុងឋានបរមសុខសួគ៌ា ពិសេសបានរួចចាកផុតពីទុក្ខ ទោស ផងទាំងពួង ចាប់តាំងពីពេលនេះតរៀងទៅ កុំបីឃ្លាងឃ្លាតដោយប្រការណាមួយឡើយ។
សម្តេចព្រះឧត្តមបញ្ញា និងភិក្ខុសង្ឍទាំង១៧អង្គ បានចម្រើនពរជូនដល់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកជំទាវ ជាកូន ចៅ ចៅទួត និងញាតិមិត្តទាំងអស់ របស់អ្នកឧកញ៉ាព្រឹទ្ធ មហា ឧបាសិកា ធម្មញ្ញា ណវិវឌ្ឍនា សូមមានសុខភាពល្អបរិបូរណ៍ ពូលានុភាពមាំមួន ជន្មាយុយ៉ឺនយូរ បញ្ញា ញាណភ្លឺថ្លា ដើម្បីបន្តស្ថិតនៅជាអ្នកដឹកនាំ និងជាពុទ្ធសានិកទ្រទ្រង់ព្រះពុទ្ធសាសនាជាយូរអង្វែងត រៀងទៅ និងមួយចំណែកទៀត សម្តេចព្រះឧត្តមបញ្ញា និងព្រះភិក្ខុសង្ឍទាំងអស់ ក៏បានលើកឧទ្ទិស ដល់វិញ្ញាក្ខន្ធសពអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ដែលបានធ្វើកម្ម ករិយាពីលោកយើងនេះ ទៅកាន់លោកខាងមុខនោះហើយ សូមវិញ្ញាណក្ខន្ធអ្នកឧកញ៉ា ព្រឹទ្ធមហា ឧបាសិកាធម្មញ្ញាណវិវឌ្ឍនា បានយោងយិតទៅចាប់បដិសន្ធិលើសម្បត្តិសួរ និងបានរួចចាកផុតពីទុក្ខ ទោសផងទាំងពួង ចាប់តាំងតែពីថ្ងៃនេះតរៀងទៅ កុំបីឃ្លាងឃ្លាតដោយប្រការណាមួយ ចាប់តាំងពី ថ្ងៃតរៀងទៅ។
សូមបញ្ជាក់ថា នៅក្នុងឱកាសនៃការសាងភ្នូសជាព្រះភិក្ខុសង្ឃ បំបួសមុខភ្លើងសព អ្នក ឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ព្រះពិក្ខុសង្ឃ ហ៊ុន ម៉ាណែត ព្រះភិក្ខុសង្ឃមានពិធី កម្មវិធីនិមន្តគោចរបណ្ឌិតបាត្រ នៅតាមខ្នងផ្ទះរបស់ប្រជាពលរដ្ឋ ក្នុងភូមិ២ ឃុំរការខ្នុរ ស្រុកក្រូចឆ្មារ ខេត្តត្បូងឃ្មុំ ដែលជាភូមិកំណើតរបស់អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ក្នុងអំឡុង ពេលនៃការបួសមុខភ្លើងសងគុណ អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា។
នៅក្នុងពិធីប្រគេនចង្ហាន់ និងបច្ច័យសម្តេចព្រះឧត្តមបញ្ញា និងព្រះភិក្ខុសង្ឍក្នុងភូមិទី២ ឃុំ រកាខ្នុរ ស្រុកក្រូចឆ្មារ ខេត្តក្បូងឃ្មុំ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានជួបសន្ទនាដោយផ្ទាល់ជាមួយប្រជាពលរដ្ឋក្នុងភូមិទី២ ដែលជាអ្នកធ្លាប់មានប្រវត្តិជួបផ្ទាល់ជាមួយសម្តេចកិត្តិព្រឹទ្ធបណ្ឌិត ក្នុងជំនាន់របបអាវខ្មៅ នៃរបបប្រល័យពូជសាសន៍ ប៉ុល ពត។ សម្តេចកិត្តិព្រឹទ្ធបណ្ឌិត បាន បង្ហាញនូវការគោរពស្រឡាញ់រាប់អានដោយស្មោះបំផុត ជាមួយប្រជាពលរដ្ឋទាំងនោះ តាមរយះការ ថតរូបអនុស្សាវរីយ៍ជាមួយប្រជាពលរដ្ឋទាំងនោះ។
