មានវីដែអូ(Video)
ភ្នំពេញ៖ ចេញផ្សាយ ថ្ងៃអង្គារ៍ ១៣រោច ខែពិសាខ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១៩ ខែឧសភា ឆ្នាំ២០២០។
ត្បូងឃ្មុំ៖ នៅយប់ថ្ងៃទី ១៨ ខែឧសភា ឆ្នាំ២០២០។វេលាម៉ោងប្រហែលជា ១២ យប់ នៅច្រកព្រំដែនទន្លេចាម ស្ថិតនៅ ឃុំក្រវៀន ស្រុកមេមត់ ខេត្តត្បូងឃ្មុំ។
ដោយមានរថយន្តរបស់វៀតណាមចូលមកខ្មែរទាំងជួរៗ ដោយសេរី និងគ្មានការដោះដូរតែកុងឡានអ្វីឡើយ។ ថែមទាំងមានបង្កប់ឈើ ក្នុងអីវ៉ាន់អេតចាយថែមទៀតផង ។
សូម ឯកឧត្តម ប្រាជ្ញ ចន្ទ អភិបាល ខណៈអភិបាលខេត្តត្បូងឃ្មុំ , ឯកឧត្តម គន់ សុភា អភិបាលរង, លោកឧត្តមសេនីយ៍ទោ បែន រ័ត្ន ស្នងការនគបាល, លោកស្រី ស្នងការរង, លោកប្រធានស្នាក់ការគយព្រំដែន និង កងកម្លាំងនគរបាលទាំងអស់ មេត្តាជ្រាបជាព័ត៌មាន។
តាមសេចក្តីរាយការណ៍ជាបឋមរបស់ ភ្នាក់ងារ សារព័ត៌មាន សង្គមអភិវឌ្ឍន៍ដែលឈរជើងនៅដំបន់ខាងលើ បានឱ្យដឹងថា មានឡានវៀតណាមដឹកទំនិញធន់ធំ បរកាត់តាមច្រកទ្វារព្រំដែន ទន្លេចាម ជាហូរហែរនៅពេលយប់ស្ងាត់ ដោយគ្មានការឆែកឆេរ ឬហាមឃាត់ពីសំណាក់អាជ្ញាធរមានសមត្ថកិច្ចអ្វីបន្តិចឡើយ។ ទន្ទឹមនឹងនោះឈ្មួញហាក់ដូចមានសភាព ភ័យខ្លាចពីក្រុមការងារសារព័ត៌មាន ដោយយកកូនកន្សែងមកបិតបាំង លើផ្លាកលេខឡាន ដោយភ័យខ្លាចគេស្គាល់អត្តសញ្ញាណនៃរថយន្តដែលកំពង់តែធ្វើការដឹកជញ្ជូននោះ។
