ភ្នំពេញ៖ ចេញផ្សាយ ថ្ងៃពុធ ១៤រោច ខែពិសាខ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២០ ខែឧសភា ឆ្នាំ២០២០។
រជាពលរដ្ឋក្រីក្រជួបការខ្វះខាត១០០ គ្រួសារ នៅក្នុងស្រុកមង្គលបូរី ខេត្តបន្ទាយមានជ័យ បានទទួលអំណោយស្បៀងអាហាររបស់ ឯកឧត្តម អ៊ុំ រាត្រី អភិបាលនៃគណៈអភិបាល ខេត្តបន្ទាយមានជ័យ ដើម្បីជួយសម្រួលដល់ជីវភាពរស់នៅប្រចាំថ្ងៃបានមួយរយៈ ក្នុង គ្រាជួបការលំបាកដោយសារតែការរីករាលដាលជំងឺកូវីដ-១៩នេះ។
ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ រួមនឹងក្រុមការងារ បាននាំយកអំណោយជាស្បៀងអាហារនេះ ទៅចែកដល់ដៃប្រជាពលរដ្ឋក្រីក្រជួបការលំបាក ចំនួន១០០គ្រួសារ នៅឃុំស្រះរាំង ស្រុកមង្គលបូរីកាលពី រសៀលថ្ងៃអង្គារ ១៣រោច ខែពិសាខ ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី១៩ ខែឧសភា ឆ្នាំ២០២០។
ក្នុងឱកាសនោះឯកឧត្តម អ៊ុំ រាត្រី មានប្រសាសន៍លើកឡើងថា អំណោយសប្បុរសធម៌ដែលបានយកមកចែកទាំងអស់នេះ ជាការបង្ហាញឱ្យឃើញនូវការយកចិត្តទុកដាក់ខ្ពស់ចំពោះ ប្រជាពលរដ្ឋគ្រប់រូប ពីសំណាក់ថ្នាក់ដឹកនាំរាជរដ្ឋាភិបាលកម្ពុជា ក្រោមការដឹកនាំរបស់សម្តេច អគ្គមហាសេនាបតីតេជោ ហ៊ុន សែន ជាប្រមុខ ដែលជានិច្ចកាលតែងតែយកចិត្តទុកដាក់ដោះ ស្រាយរាល់ការលំបាកជូនដល់ប្រជាពលរដ្ឋនៅគ្រប់ទីកន្លែង សម្រាប់គ្រប់ៗគ្នា មិនទុកនរណា ម្នាក់ចោលនោះឡើយ។
ឯកឧត្តម អភិបាលខេត្តបន្ទាយមានជ័យ បានបញ្ជាក់ទៀតថា ថ្វីត្បិតស្រុក ទេសយើង មានសភាពស្ងប់ស្ងាត់ពីបញ្ហាកូវីដ-១៩ មែនពិត ប៉ុន្តែសូមប្រជាពលរដ្ឋយើងទាំងអស់គ្នាកុំ ធ្វេសប្រហែសឱ្យសោះ ព្រោះវាឆ្លងមិនរើសមុខទេ មិនរើសឋានៈ បុណ្យសក្ដិតួនាទីណាទេ ឱ្យ តែប្រហែសគឺឆ្លងមិនខានឡើយ។ ដូច្នេះសូមប្រជាពលរដ្ឋទាំងអស់គ្នា រួមគ្នាទប់ស្កាត់កូវីដ-១៩ តាមការណែនាំរបស់ក្រសួងសុខាភិបាលទាំងអស់គ្នា តាមរយៈការរក្សាអនាម័យ ហូបស្អាត ផឹកស្អាត រស់នៅស្អាត ឧស្សាហ៍លាងដៃនឹងសាប៊ូ ជាមួយទឹកស្អាត ជេលអាល់កុល ទឹកអាល់ កុល ឬទឹកសម្លាប់មេរោគ ត្រូវរក្សាគម្លាតគ្នា ផ្អាកការជួបជុំ ផឹកស៊ីមួយរយៈសិននិងត្រូវពាក់ ម៉ាស់ឱ្យបានត្រឹមត្រូវ ៕
