ភ្នំពេញ៖ ចេញផ្សាយ ថ្ងៃពុធ ៥រោច ខែជេស្ឋ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១០ ខែមិថុនា ឆ្នាំ២០២០។
រថយន្តដឹកអ្នកដំណើរក្រុមហ៊ុនអូរខុងបើកធ្លាក់ចូលអូរស្លាប់ក្មេង២នាក់និងរងរបួសជាង២០នាក់
ឧត្តរមានជ័យ÷
ករណីយរថយន្តក្រុងក្រុមហ៊ុនអូរខុងដឹកអ្នកដំណើរពេលយប់មកពីភ្នំពេញ ឆ្ពោះមកកាន់ស្រុកអន្លង់វែងខេត្តឧត្តរមានជ័យបានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុសចំនួន២នាក់ និងរងរបួសធ្ងន់ស្រាលចំនួនជាង២០នាក់។
ហេតុការណ៏នេះដែរកើតឡើងនៅលើកំណាត់ផ្លូវជាតិលេខ៦៧ បេ(B) ស្ថិតចំណុចនៅភូមិអូរតាមែ៉ង ឃុំអន្លង់វែង ស្រុកអន្លង់វែង ខេត្តឧត្តរមានជ័យ កាលពីវេលាម៉ោង៦ព្រឹក ថ្ងៃទី១០ ខែមិថុនា ឆ្ឆាំ២០២០នេះ។
តាមប្រភពព័ត៌មានពីសមត្ថកិច្ចបានឱ្យដឹងជាបឋមនៅព្រលឹមព្រឹកនេះថា៖ ករណីយរថយន្តក្រុង របស់ក្រុមហ៊ុនអូរខុង ដែលបានដឹកអ្នកដំណើរពេលយប់ចេញមកពីភ្នំពេញ ឆ្ពោះមកកាន់ស្រុកអន្លង់វែងខេត្តឧត្តរមានជ័យលុះ ដល់ចំណុចកើតហេតុ ខាងលើ រថយន្តបានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុសចំនួន២នាក់ និងអ្នកដំណើរផ្សេងៗទៀតទទួលរងរបួសធ្ងន់ស្រាល សរុបចំនួន
២២នាក់។
បច្ចុប្បន្ន ជនរងគ្រោះត្រូវបានសមត្ថិកិច្ចដឹកបញ្ជូនយកទៅសង្គ្គ្រោះបន្ទាន់នៅឯមន្ទីពេទ្យបង្អែកស្រុកអន្លង់់់វែងដោយការខិតខំយកចិត្តទុកដាក់ពីសមត្ថកិច្ចចរាចរណ៍ផ្លូវគោកនិងអាជ្ញាធរមូលដ្ឋានផងដែរ៕
