ទីតាំង សង្វៀន ជល់មាន់ និងអាប៉ោងដុះស្លែមួយកន្លែង ឃើញតែបង្ក្រាប តែគ្មានប្រសិទ្ធិភាព

ភ្នំពេញ៖ ចេញផ្សាយ ថ្ងៃអង្គារ៍ ៩រោច ខែអាសាឍ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១៤ ខែកក្កដា ឆ្នាំ២០២០។

ភ្នំពេញ៖ ទីតាំង សង្វៀន ជល់មាន់, អាប៉ោង និងល្បែងស៊ីសងគ្រប់ប្រភេទ ដុះស្លែមួយកន្លែង យ៉ាងអាណាធិបតេយ្យ ជាយូរយាណាស់មកហើយ ឃើញតែបង្ក្រាបពីអាជ្ញាធរ តែគ្មានប្រសិទ្ធិភាព (បិត/បើកៗ ភ្លឹបភ្លេតដូចអំពិលអំពែក) ដែលមានទីតាំងស្ថិតនៅម្តុំផ្លូវសេះស (ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ)។

ទីតាំង សង្វៀន ជល់មាន់ និងអាប៉ោងដុះស្លែមួយកន្លែង ឃើញតែបង្ក្រាប តែគ្មានប្រសិទ្ធិភាព

ប្រជាពលរដ្ឋដែលលោករស់នៅជុំវិញតំបន់បានពឹងក្រុមការងារយើងខ្ញុំអោយជួយចុះផ្សាយដើម្បីឱ្យកំលាំងមូល

ដ្ឋាន ប៉ុស្តិ៍រដ្ឋបាល នគរបាលស្ទឹងមានជ័យទី៣ (អធិការ និងអធិការរង ខណ្ឌមានជ័យ) មានវិធានការចុះបង្រ្កាបតែផ្ទុយទៅវិញគ្មានសម្ថកិច្ចណាអើពើសោះ ប្រហែលជាត្រូវថ្នាំសណ្តំរបស់មេបនល្បែងនោះហើយបានជានៅតែអាចបន្តបើកលេងយ៉ាងគគ្រឹកគគ្រេងយ៉ាងដូច្នេះ។

ចំណែកខាងប្រជាពលរដ្ឋវិញពួកគាត់បានត្អូញត្អែរៀបរាប់ថា៖ មានសំឡេងរំខាន និង មានមនុស្សចេញចូលគ្រប់រូបភាពមិនស្គាល់អត្តសញ្ញាណ ជាមូលហេតុធ្វើឱ្យគាត់មានការភ័យខ្លាចដល់សុវត្ថភាពក្នុងការរស់នៅប្រកបការងាររកស៊ីប្រចាំថ្ងៃរបស់ពួកគាត់ៗបានពឹងដល់អង្គភាពរបស់យើងខ្ញុំជួយផ្សព្វផ្សាយព័ត៌មាន ឱ្យបានដឹងដល់ថ្នាក់ក្រោមជាតិ និងដល់ថ្នាក់ជាតិឱ្យបានដឹងផងអំពីផលលំបាករបស់ពួកគាត់។

អាស្រ័យដូចបានជំរាបជូនខាងលើនេះសូម លោក ស្នងការរាជធានីភ្នំពេញ មេត្តាចុះជួយពិនិត្យ និងមានវិធានការបង្គ្រាបនូវល្បែងស៊ីសងខុសច្បាប់ទាំងនោះផង។