ភ្នំពេញ៖ ចេញផ្សាយ ថ្ងៃពុធ ៦កើត ខែអស្សុជ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២៣ ខែកញ្ញា ឆ្នាំ២០២០។
ខេត្តបន្ទាយមានជ័យ ៖ ផ្សារនៅតាមជាយដែនមួយចំនួន ត្រូវបានមន្ត្រីពេទ្យសត្វយកចិត្តទុកដាក់លើការលក់ផលិតផលមានដើមកំណើតពីសត្វ(សាច់)ចំពោះបញ្ហាអនាម័យដើម្បីធានាដល់សុខ ភាពអ្នកបរិភោគ ។ ដោយឡែក កាលពីថ្ងៃទី២២ ខែកញ្ញា ឆ្នាំ២០២០ ក្រុមមន្ត្រីពេទ្យសត្វបានទៅពិនិត្យនៅផ្សារត្រី ក្នុងក្រុងប៉ោយប៉ែត ។
លោក ហ៊ុយ ទូច ប្រធានការិយាល័យផលិតកម្មនិងបសុព្យាបាលខេត្ត បានឲ្យដឹងថា នេះជាការត្រួតពិនិត្យផលិតផលដែលមានដើមកំណើតពីសត្វ ជាពិសេសសាច់ជ្រូកដែលមានច្បាប់ ដែល
បានបោះត្រាជាសម្គាល់ ទើបអាជីវករអាចដាក់លក់ក្នុងផ្សារក្នុងខេត្តបន្ទាយមានជ័យបាន ។ ជា
មួយនេះ តម្រូវឲ្យមានអនាម័យ និងសម្ភារប្រើប្រាស់ត្រូវមានប្រភពច្បាស់លាស់ ដើម្បីធានាបាន
នូវសុខភាពអ្នកបរិភោគ ។
លោកបញ្ជាក់ថា ការចុះពិនិត្យពីសំណាក់មន្ត្រីជំនាញនេះគឺអនុវត្តជាប្រចាំ ដើម្បីពង្រឹងគុណភាពផលិតផលមានដើមកំណើតពីសត្វ(សាច់)ដែលកំពុងដាក់លក់ក្នុងផ្សារ ហើយដែលប្រជាពលរដ្ឋទិញបរិភោគរាល់ថ្ងៃ ។
លោក ហ៊ុយ ទូច បានបង្ហាញពីការកក់ក្ដៅក្នុងចិត្តច្រើន ដែលក្រោយពីការពិនិត្យឃើញថា អាជីវករមានការយល់ដឹងច្រើន ហើយការខ្វះចន្លោះខ្លះត្រូវបានអប់រំណែនាំ ៕
ប្រភព៖ www.kohsantepheapdaily.com.kh
