ចេញផ្សាយៈ ថ្ងៃសុក្រទី ១២រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែមីនា ឆ្នាំ២០២០។
រដ្ឋសភានិងរាជរដ្ឋាភិបាលពិភាក្សាសេចក្តីព្រាងច្បាប់ការធានាទូទាត់របស់រាជរដ្ឋាភិបាលកម្ពុជាឱ្យក្រុមហ៊ុនឯកជនដែលវិនិយោគវិស័យអគ្គីសនីដើដោយធ្យូងថ្មនៅខេត្តចំនួន៣ដើម្បីផ្តល់ទំនុកចិត្តនិងទាក់ទាញអ្នកវិនិយោគលើវិស័យនេះ។
ក្នុងកិច្ចប្រជុំនេះនារសៀល ថ្ងៃទី២០ខែមីនា ឆ្នាំ២០២០នៅវិមានរដ្ឋសភាឯកឧត្តមកិត្តិសេដ្ឋាបណ្ឌិត ជាម យៀប ប្រធានគណៈកម្មការ គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភាបានមានប្រសាសន៍ថា សេចក្តីព្រាងច្បាប់ចំនួនបីរួមមាន១- សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាអោយក្រុមហ៊ុនរ៉ូយ៉ាល់គ្រុបអ៊ិនវេសម៉ិនឯ.កសម្រាប់គម្រោងវិនិយោគសាងសង់រោងចក្រអគ្គិសនីដុតធ្យូងថ្មអនុភាព៧០០មេហ្គាវ៉ាត់ខេត្តកោះកុង។២- សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាអោយក្រុមហ៊ុន ហាន សេង ខូល ម៉ាញ សម្រាប់គម្រោងវិនិយោគសាងសង់ខ្សែបណ្តាញបញ្ជូនអគ្គិសនីតង់ត្យុង២៣០គីឡូវ៉ុលតភ្ជាប់ពីរោងចក្រអគ្គិសនីដុតធ្យូងថ្មខេត្តឧត្តរមានជ័យមកអនុស្ថានីយសៀមរាបខាងកើត និងទី ៣ – សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាននៃព្រះរាជាណាចក្រកម្ពុជាអោយក្រុមហ៊ុនហាន សេង ខូល ម៉ាញសម្រាប់គម្រោងវិនិយោគសាងសង់រោងចក្រអគ្គសនីដុតធ្យូងថ្មអានុភាព២៦៥មេហ្គាវ៉ាត់ខេត្តឧត្តរមានជ័យ។
សូមបញ្ជាក់ថា កិច្ចប្រជុំនេះរៀបចំឡើងដោយ គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភាដឹកនាំដោយ ឯកឧត្តមកិត្តិសេដ្ឋាបណ្ឌិត ជាម យៀប ប្រធានគណៈកម្មការ សហការជាមួយ គណៈកម្មការ សាធា រណ ការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភាដឹកនាំដោយលោកជំទាវ និន សាផុន ប្រធានគណៈកម្មការ ដោយមានការចូលរួម ពីឯកឧត្តម លោកជំទាវ ជាសមាជិក សមាជិការគណៈកម្មការជំនាញទាំង១០ ។ ចំណែកឯ គីខាងរាជរដ្ឋាភិបាលវិញ ដឹកនាំដោយ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិង ថាមពល ឯកឧត្តម ហ៊៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ៕
